在 Facebook 見到有一個 group: 80年代出生、90年代成長、千禧年迷失方向的一群
佢講野的十分有意思……原來很多像我八十年代出生，而家廿幾歲的人，到這刻是最易迷失，很多人玩到迷失左…
呢一刻，又會煩緊讀書定做野，再進修好不好？轉行好不好？
好多謝寫以下文字的人，我想大家包括自己從迷失重新找到方向
===========================================
某一年
一班剛剛考完會考既同學約埋一齊唱K
流行曲唱到一半既時候
其中一位朋友 問左隔離果位一個問題
「喂 你估下二十年後既今日
我地會變成一個咩人呢？」
二十年後
可能已經變成一個 西裝骨骨既中環人
手戴勞力士 銀包有好多張信用卡
放工既時候 就一齊響酒吧度
一邊望住個煙灰盅
一邊就望住隔離檯果個女仔
睇下佢條裙幾時會走光
二十年後
大概終於會買左果部 好想擁有既汽車
但係仲有二十幾期要供
二十年喇 應該轉過好多份工
識做既野越黎越多
但係同時發覺 學識越黎越少
響果個時間 間唔中可能會去下gym
但係做黎做去 都係減唔到個肚腩
當然二十年黎 你間唔中都會諗起一段
一路都未能放低既感情
女朋友越黎越多 但係愛既黎越黎越少
大概響果個時候 可能會有身邊既親人離開
而響果陣時 你會有好多講唔出口既遺憾
同時間你會發覺 原來人生已經過左一大半
同年終於結婚喇
未能放低既感情 依舊未能放低
用左半生既積蓄 俾左一層樓既首期
有車位有泳池有會所
娛樂越黎越多 但係快樂越黎越少
兩年後 可能會離婚
回復單身之後既一個晚上 一個人響床上面
拎住個搖控不停咁轉台 食左兩粒安眠藥
跟住點起支薄荷煙
然後流左一滴 自親人離世之後既眼淚
突然之間你又諗起 響二十年前
你係一個咩人 係果一晚
一大班同學約埋出黎 唱K唱到天光
仲記得o係果朝 返到屋企既時候
打開門響檯面見到 有一碗屋企人留低既湯
碗湯 已經凍左……
你得到什麼 你失去什麼
你真的知道 what are u looking for?
迷茫的一代，矛盾的一代
呢幾個年頭
咩都興得快 淘汰得更快
所以 回憶特別珍貴
但個個都o係度保衛甚麼集體回憶既同時
又好似唔多關我地事
讀書與返工之間
又有著never ending conflict
不過玩就係必然既…..
依家陪住你既 又係咩呢？