10月份沒有長周了，短周時間真的見用很多 星期三四，連續 OT，星期五累，比較準時走，約朋友食飯飲杯野傾下計，點知…又是等到八點… 等的期間，我竟然去左睇衫，奇！以往我應該會去書店又或在 M 記上下網。看中的衫全都好貴，46X – 79X，即刻無意欲買了！ 經常在想，為何我看中的，覺得很合自己，就是那麼難得到 今早的起心肝寫日記，昨晚算早訓，2am 訓著左，臨訓前傾下陣電話和打左陣 NDS，NDS 又再次成為我的寵兒 想買部硬體 fully supported by Linux 的 mini-desktop，最堅要慳電，再開做 server，期待 eeeBox Linux 版 種種原因，還未去海洋公園哈佬喂，唔知今年會唔會去得成呢
27 日返工時，同事們不單請我去飲茶，令我更驚喜是下午的芒果生日蛋糕！ 可惜，未有相住，收返時再補
平時早上返工時間大埔去觀塘是勁多人的，在昌運巴士站上 74X 有位已是偷笑了。通常只是樓上三個位個 d 巴士才有位坐，好不擠迫 在總站，大埔中心，更是打幾個蛇餅，要穩套一位，往往要等 15 – 20 分鐘，要知道，在早上返工時間 15 – 20 分鐘往往成為遲到關鍵 所以我通常都只是在昌運巴士站碰碰運氣，望有 「3 座位車」，有時也會等到 8:10am 個架由昌運開出的「吉車」，但坐 8:10am 開的車風險好高，往往 8:55am，甚至 9:00am 才到開源道。要穩陣不遲到，8:00am 左右上車就可以 8:40 – 8:50 左右到達 觀塘多公司在內地設廠，往往放假到初七、初八，由於 d 人未返工，開源道今日像 X 城﹝新年唔講 X﹞，好冷清，中午食飯更不用等位 餐牌上的食品價錢無聲無色又加了，唔知幾時我 d 人工先會追返通脹……
近來都愛上工作，雖則要不能便服，星期六要返半日，但我沒有埋怨了。當然啦，之前 PolyU 個份有點優待的﹝OT都是半個鐘、一個鐘，便服，5天工作﹞，不過只是過渡性已而 在這都不錯，同事不錯，lunch time 仲可以連線 NDS，正 也愛上 J2EE，雖則好多比 .net 多 d 小問題，但其 open structure，任你配搭，夠自由。在家你可 Windows + Tomcat，production 上你可 Linux + JBoss，而甚至你可用 Sun App Server 或 IBM 的 Websphere，而且好多都是 free to get~ Erica 要寫 research paper，本來諗好探討 blog 的影響個 d 但又好似唔得，要再諗，我另外提議過叫佢寫免費報紙會否取代傳統報紙，carry-trade 的前景等等
今日勁熱，好似話入夏以來最熱，我渣電單車放工時正是點幾兩點最曬的時候，勁熱，回到家已有古銅色手臂 終於有時間去剪髮，順便有時間去幫部車換返條好軚，換走跟車個條 唔小心滑倒，睇跌打，唔係話好嚴重，見有意外保險先去睇 ja，我諗都合資格 claim，如果咁都唔合資格又者話 claim 得煩我會 cut 左個份保單 lor~ Office 今日又裝修，大大話話都第三次，好大塵和好嘈，而家我坐左上方個個位，Office 範圍會加大以容納更多新同事，遲 d 會搬出去新間出來近窗的的位置 今天星期六大家都便服示人，平時都要裇衫西褲
一向對 Java 有種神秘好感，但一直覺得佢比 C# 煩，JSP 又比 php 和 ASP.net 煩，而無一直 keep 住長用 估唔到而家的我竟然做左 Java Programmer！不是 compu，不是 IT 畢業，未上堂學過 Java，竟然做到 Java Programmer 幸好，現在仲應付得來，話晒都有少少 progamming 底加上本身的電腦認知再加上有玩過寫 Java 小程式~ 人地由五天(半)變五天工作，我就反轉，好慘~
點解有返工時間卻沒有放工時間~ 我做野的 team 就總是沒有放工時間的 concept，其實返工時間都無乜… 過晒放工時間，其他 team 的人都走晒，my teamate 像沒事發生似的，搞到我好唔自在，走又唔係留又唔想，好痛苦！唔通香港的工作文化唔啱我？ 公私分明的我，工作時工作，放工時放工，多點時間多點生活，有錯嗎？
現做住 part-time 先，再留時間想想究竟自己想做什麼 開頭錯誤理解 project engineer 的工作，令致相方都唔好 la 終於買了 NDSL，好鐘意玩 FF3、孖寶賽車、Bio Harzard (好正，有返個時 PS 玩的感覺)、炸彈人都 ok，反觀任天狗好似悶左 d 呢~
前日同 CK, Roger, G.Poon, C Kam 食 dinner，之後 C Kam 話有約，我們餘下四個直落去左食糖水，計劃了： 重建 AFA 1 月日本旅行 12 年後親身睇世界盃 今日 1st Day 工作，同想像有點出入 年假是過年左右放埋，無得點 choose 幾時放，平時有事請假要拎事假，扣人工。頭幾年得 7 日年假 ja 病假少過 4 日又扣人工 返 5 日半，年底前才行 5 日工 唔開心，仲諗住可以有年假去旅行添。過左 probation 唔加可觀人工，走人！haha
份 FYP 進展良好 個 program 加以修改後及優化，新的 Data 成功轉換入去，開頭擔心的一掃而空，不知不覺個 program 的 search function 個頁，已有成 2500 行 code，好彩用左 code-behind 不然維護會好困難 我諗我去哈爾濱前應可搞掂，那麼就可以盡情投入哈爾濱之旅！
YEP2006! First meeting ok la，有 d OC 又唔同，對比我個年，唔知咩就做左 OC，話去睇下，結果就做了。今年佢地早左開始，時間鬆好多 今日 FYP 有 d 阻滯，進展不大 今晚睇百年中國，有 1 part 好深刻： 好多年前，有人問總理周恩來，中國有妓女嗎？ 周恩來：「有！在台灣。」的確，但他說漏了香港。 時之今日，當然普及至全中國。 也許，溫家寶被人問，中國有民主嗎？ 也許，他要答：「有！在台灣。」 也許，有一日會普及至全中國。
Database 好大進展，做完 Normalization 個介面 d code 同 event 已 ok 有部份 search code 都做好 🙂 已有 400 行 program code，但估計而家只做到 5%，最煩是要寫個介紹給佢地改個 program (seems impossible for me…，突然覺得好似 develop 一套 new language and new compiler… :sarcastic: ) 不過我只擔心另一份 EDC 的 student helper work 做唔晒 :yawn: 中午去左兆康一趟，但最終在天水圍寫 lunch， d 人唔知做乜，今日勁冷清！
今日 (11 July) 第一次自己去 KCRC West Rail 個 Office，點知，到左無耐火警鐘就響了，個鐘只響了唔夠十幾秒，大家都無埋佢 之後有一見到有人下去集合，就以為是演習 咁大家他他調咁下去，下到去，見到消防車，大家都讚咁勁 ge 之後叫到消防員拉喉入去，大家話咁認真 ge 我問起，你地知唔知演習 ga 之前，佢地 (KCRC d 人) 話唔知 ar，我心諗咁 pro ge 到那有人點名問各層 d 人到齊未，未齊的叫消防員入去救人，個時覺得唔妥 到聽到有人話，廚房 cooking 時獨動到個 alarm，但無煙無火，心想好彩，如果真火，可能好多燒乳豬呢！ 開始準備自己的桌，窗外景色很美！
今日去完錦上路 KCRC Office。 去到大家都開玩笑西鐵大把位，無人坐。當然我坐 64K 去不是西鐵去啦。個度 Paul, Patrick, William, Wendy 都好好人。不過佢地都好唔滿 d 「煩文」咁。 個座 Lunch 好貴，好彩今次有人請。 我諗我 7、8月會去個度做，只不過不是佢地員工，佢地可以有 2K 津貼，希望成真啦。如果真式 placement 的話人工會高 d，但咁會好煩，要 HR (Human Resource) 批，咁又要 interview，又要同出面的人爭，又要上 training…… Patrick 做 IE (Industrial Engineering) 的人好叻，佢地樣樣識 d，ME 又識 d， EE 又識 d，IT 又識 d，又有 Engineering 底，對升職好有幫助。 現在熟讀下個 Database 的 standard time，同埋 2 本書：MLR EMU Familiarization Course… Read More »
今日下午，訓下訓下，hai 下 hai 下，就咁過去，白賺左半日人工。 回想當初中五暑假第一份暑期工，是 Sales VCD 的，這是我第一份出面打的工。 初中有幫老豆做野，都幾好賺的，其中一次仲同同學一齊做，成 500 元左右一日，但要 2 日做晒 d 工作，辛苦的，是體力勞動的。 中五暑假一心找工，仲記得當時在 Sharon 家同 Sharon, Ken Chan and I 一齊四處打電話找工，但對方答覆都是一樣：我地遲 d 會聯絡你。當時好灰的，ha，於是我去勞工處找工，拎籌 in，再由勞工處轉介去顧主。第一份工一 in 就得，當時人工有 4500 一個月，但我只做了一星期就無做。 原因： 工作時間長 日日起身就返工，放工就訓覺 要成日在桌下找 vcd / cd 補貨 第一次做野的我當然覺得辛苦，而且又不是興趣所在，個時我想 sales 電腦的，於是在朋友游說下就無做了，去找電腦 sales。我第一份工找得咁容易，so 諗住一定找到。但結果 2 日去晒所有旺電同深電，但都無答實我，過了一星期，在家人壓力下，我唯一去做 M，我做之前已有同學做梗，個時我仲詁我一定唔會做，haha。 (待續)
我慢慢地變成 24-hour-student-helper 早上9:15 – 17:30 返工，其間 2 個鐘 lunch 也抽掉其中半個鐘工作。 之後就坐車去補習，到 21:00。回到家，吃飯、洗澡後就開始 cut video，而家 2:00 am ，其實都 cut 完，只怪自己做得有 d 不完美，改少少 encode 過。 未來行程也是密麻麻，但奇怪地，我自己又好有滿足感！
一個國際會議，不單造就學術交流，更可造就大量就業機會，我就是其中可分一杯的一個。 雖然工作辛苦 (長時間、大量工作) 但一點也不會累，往往 OT 了，心裡還想做完工作才走，完全放棄了娛樂，因為單單工作已滿足了我。 當然金錢是必要 la，講真無錢我會咁 motivate，但單單只是錢也不能令我咁有熱情 ( 個科 Engineering Management 講得十分對，加人工不會 motivate，但減人工就會無士氣) 好開心，今日個會議完了，作為 Technician 的我工作圓滿結束，Open Cermony 這樣大風險的 remote control 都無事 (of coz 要多謝 Kin 的 control la) ，多日來和 Kin 工作，雖然他是搞 Gap，但工作能力很高的。 幫完 Steve，希望他 FYP 會幫我 la~~ haha 😛 這份工不錯，又有 free lunch，第一日 dinner 去了都會軒，第二日想去 Lamma Island，但做完野太耐，佢地走晒 🙁 參加者的 positive 回應是我們最大的滿足 🙂 ~