看完《建國大業》，比想像中肯，唔係偏幫中共的宣傳片。當中有 2 段好值得反思：
1. 蔣光頭話，到這個境地，反貪就亡黨，不反就亡國，難呀
2. 中共以結束一黨專政來反國民黨。第一次全國協大會，力邀各方面代表參與，連國民黨代表都在邀請之列，投票決定各樣大事
試想像，當年執政者﹝國民黨﹞，貪污腐敗、獨裁，暗殺異見人士﹝包括學者如聞一多、黨內高層馮玉祥等﹞、經濟差、高通脹、生活困苦，相反中共就帶來多黨政治，自由解放思想，理念真的太美好，民心所向，全國都渴望改變，渴望新中國……
無可否認，中共建國六十年，整體人民生活係好左，好多人渣 Benz 住大屋，表面看來美好無限。但別忘記內地財不均比香港更嚴重，社會向當權者、富人傾斜，不公平現象做成好多衝突……內地對網絡仍是嚴格控制，香港 yahoo、facebook、discuss.com.hk，全都去唔到……
中共建國理念始終沒有達到，相反在台的國民黨，雖然不可說是完美，但起碼都是民選多黨自由社會……而且如果當年抗戰勝利，民國黃金十年在沒有內戰下能得以延續，沒有民革十年浩劫，其實中國早就富強了，但現實是沒有這樣多如果……
今日踢完波，好耐無咁早起身去踢波了。成年無踢了，今日踢，唔敢太搏，怕傷，今日去主是想同好耐無見的中學同學波友見下，真的太耐無見面了……
上星期回大陸做野，之前有份做了半年的工，要定期每星期定期回大陸做野，而這份就第一次，也是第一次 formal dressing 回大陸。今次坐直通車上去，坐的是柴油車，來回都坐唔到 ktt，柴油準高速慢過「和階號」電車好多，真唔明白點解唔用「和階號」行駛
作為鐵路迷的我，都反對高鐵總站在西九。高鐵總站如果設在西九，無論車票價錢和地點都是為有錢商人而設，受惠人不多，如果造價完全是用者自付，唔會用到公堂我當然無意外啦，理得佢是大白象都好，有錢人多的是錢！
如果是一般市民，大都會在深圳坐「和階號」，$75一程一個小時到廣州，唔算慢也唔算太貴；就算在現有直通車，如果用 200 km/h 的「和階號」，都是個半小時可以由紅磡到廣州東，相信滿足都一般市區居民需要
高鐵形多於實，如果真的要建，在錦上路建總站算是有個平衡，反正有錢人都渣車，用 3 號幹線去八鄉好快
在錦上路建總站，高鐵造價可大減，票價又可減，又不用拆菜園村，而新界人有急事，在錦上路坐比出西九坐走少好多冤枉路。希望政府今次可以聽到市民的意見