Category Archives: 我手寫我心

私は幸せです

以往年都出去玩的我，一反常態，這 2 天無出去，反而在家中吃喝玩樂，吃飽就訓，訓飽就打機，好自在呢沉思中發覺人做返自己是最開心的 (有點陶淵明 feel) 任何事 / 物令你有牽掛的，想得到的，都會令你唔開心 (有點彿家 feel) 私は、私の人生を楽しみます！！！

大躍進

份 FYP 進展良好個 program 加以修改後及優化，新的 Data 成功轉換入去，開頭擔心的一掃而空，不知不覺個 program 的 search function 個頁，已有成 2500 行 code，好彩用左 code-behind 不然維護會好困難我諗我去哈爾濱前應可搞掂，那麼就可以盡情投入哈爾濱之旅！

剛考完試的幾日超 hae，日日成點先起身，食野，午睡，打機，訓覺咁，日日都提唔起勁，但好舒服呢~ 但今個星期不可咁了，做 part time、做 FYP、學車、同人補習、整電腦、買野、仲有上堂(？！)，係呀，sem break 都有堂上！明天仲要返 9 半！竟然 sem 1 都無早上堂，ha！個條魚死了啦，一如既往，安葬於天台的盤栽中 Lite-on DVDRW 過左保養 3、4 個月死了，買了個散裝的 NEC ND-3550A，勁抵 $288，比有保養一年的盒裝平了 $70 大洋 (四分一)，而往往出事都有保養期後 ge，無所謂 lu

Nikon D50

第一次接觸攝影是中三，個時有個好 pro 的同學，但個時總覺得玩攝影是浪費金錢的 interest 那時 join 攝影學會都是因為陸運會可以拿 pass 周圍去到中五用左 2880 買左一部 DC – Canon A20(2百萬像)，第一部自己的相機，(唔用 film, so 成日影野)對攝影有 d 要求和興趣。中七玩過下 d pro 的器材後，發覺自己鐘意玩，但自己又鐘意 d 輕同細的相機所以終於買左 Nikon D50，唔到 500g，細又輕，是數碼單反 (DSLR)。雖是入門級，但夠我玩的了~

雜項

做完 FYP 的 schedule & content page 一身輕鬆晒等 Steve 睇下有無咩想改，就可以了~ Conf CD 又搞得七七八八，但 Koey 快要走呢…會無左一個好 partner 補習，今日同大尾督個個補完啦，佢下星期 exam 了，心想我下個 sem 唔想再補。連太和個個都唔想了，唔想成日要隨傳隨到，always on call 答功課。無晒 d 補習，想一身輕 Jeany 找我悔氣，話我上網唔 hi 佢而 hi 佢的 fd, ha~ 昨天，雞腸約食飯同 yy2 的同學仔，可惜無時間去唔到….

功課與工作

今日到了約定補習之期，佢都唔打來，加上又趕功課，諗住不了了之，但過唔到良心，結果都是打過去，與想像一樣，想我去補做做下 ISPPD report 出門去，wow 都幾多人坐 75K，也計星期六掛。去到補科學，good，強項，仲要是電個 d，正，之後補多少少數和英回來時超多人，差 d 上唔到巴士，沿途 d 站都好多人，但都無停因架車已 full 左，未試過咁多人的！晚上又做 report，太多野 la 昨晚終睇晒《尋秦記》小說，突然間好空虛，近這幾個月來日日臨訓前睇個幾鐘，返來放學都睇，突然睇晒，個 ending 又太急，一時間接受唔到……掛念紀嫣然……等，趙倩是最可悲的，仲記得個支箭由身後入胸前出……空虛…… 點解 Liverpool FC 我想佢 win 時佢唔 win，想佢 draw 時又唔 draw，可恨的時明明 feel 到上場 (vs Real Betis) draw 今場 (vs Man City) win，但又被「理智」控制上場 win 今場 draw

The Last Escape

今日公佈 ISPPD Stage 2 開心的是自己 proposed product 入了 stage 2，但一迅即逝，原因 stage 2 的 workload Stage 1 完左好開心，而家感覺就是好似 Bio Hazard 3 咁明明到鐘樓有直昇機走，但卻給迷之敵人破壞了令我想起遊戲開始個句…… November 24. The homework has overtaken my life. Somehow, I still alive.

Toyota 炸著片

星期三 dept 安排去科學園聽 talks，令 all classes 消取左，順帶 Simulation 個 test 都 delay 好事來的，因為為準備星期二的 ISESM Test 都無理佢，講起個 test，不得不提個 OLAP test，個 test 分 5 parts，part part 都 ok，唯獨是 OLAP 個 part，open book 都找唔到答案，當中一題先經典，d choices 全是簡寫，連書都無全寫，一頭霧水，多番以為自己帶錯書踏單車去科學園，由我家去全程高速的話都是 20 分鐘，不錯的，風頗大。上 yr1 後第一次踏單車返學！ TDK 原來除左佢 d 磁帶業務外，仲有生產靈芝！TDK 造靈芝就有如 Toyota 炸著片！ha~ 明明有 3 個 talks，唔知 d 人對 Toyota 個 part 突別有興趣對個日本人… Read More »

ISPPD Stage 1 完了

今日 present 都 ok la 最後一組 pre，人人都好似用 educational toy 佢地 (markers) 睇 market analysis 都睇到煩啦，ha~ 我地個 product idea 佢地話幾好喎~ 我都覺不錯，加上有轉的 CAD 圖同 Flash animation 示範，依個要多得 Orange~ 唯一是件 product 的 price 可能會好高 lor 經過所有組 Present 完，3 小時後，出來課室感覺好似考完 HKAL 咁，陽光燦爛~

上次考車

好灰，好似梗係要肥你咁我知個日發渾唔到最好，無計 ga，第一次，緊張，我諗這都是原因，令個考牌一看就知你是第一次考掉頭好完美，佢梗係都想找借口肥你，好彩這 part 無問題當你考完，心境唔到同，我相信如果我立刻考多次，表現一定好好多算 la~ 下次一定唔會帶 con，帶左好唔慣，令我泊位都看錯界，大好情況下出左界，ai… d 車牌都唔變 ge，一早背晒佢咪得 lor，洗乜帶 con，笨左路試佢肥我 “無看路面情況” 依個無得 proof 的 point，無奈

怪夢

星期二晚因功課 4 點才訓，原本用來睇波的 quota 用左 tim 星期三 1800 – 2100 訓左一陣，留力晚上看波，看到 4 點才訓，早上唔知醒學車，late 左 10 mins 二次訓覺期間發左怪夢第一個給人追殺我好辛苦才由 PolyU CF401 回到家 (e.g. 行左, 一有路口 cheer 一聲轉走, 反方向行；明明不用坐MTR 又要坐再運路, etc.. ) 之後在床休息 and hide and chat with fd … 不敢動，因 outside 有人監視點知有個識的鄰居由媽開門下入屋無拿拿入我房，坐在我書桌上拿起支槍…. 第二個是有一個小學女同學佢的好友無拿拿人間蒸發想我 help to find out 問下問下發覺周圍都有無少人間蒸發左而個單更是在一個地下室拎野，上面 d… Read More »

《高凶三萬尺》

中午回校交 FYP Budget Form and 清走 d SimEnterprise 貨，一次錯，令我多有積貨，算 la 清唔晒，餘下幾百件，唔再玩 Level 1 了，hehe d貨如果是 real and 有得令拎走就好了了！下午去睇戲，《高凶三萬尺》是一套好好看的戲，離奇、震撼、真實(好多其他戲的飛機艙又靜又平穩，但坐過飛機的知道是無可能)，仲有好深的教化意義現在人人一有 d 劫機 ar，恐怖襲撃第一時間就會懷疑是阿拉伯人，會歧視佢地。另外，當有人在街上、巴士上、車上唔見野，又會有幾多人熱心幫佢找呢？我諗大多數人都會覺得佢記錯放在第二度，又或者覺得佢係咁找好煩。總之 This ia good film la 晚上要做野，9 半才 free 無計去唔到 Carmen 的生日會，我在這裡再祝佢生日快樂 la p.s. ref: http://www.hkfilms.com/Films/2005/FlightPlan/FlightPlan.shtml 創出希治閣式懸疑劇情《高凶三萬尺》這個故事概念早在5年多前已開始醞釀，本片編劇彼得杜寧(Peter A. Dowling)希望寫出一個在有限空間發展出無限可能的懸疑故事，於是將場景設定在密封的飛機之上，機上乘客眾多，但人人都素未謀面，令觀眾未到最後一刻，都未能分清忠奸黑白！金像監製白賴仁基沙看過劇本後，覺得劇情的壓逼感彷如希治閣的電影：「單是講述父母要在狹小的空間內，拚命尋找失蹤的子女，那種惶恐及無助已經充滿爆發力！而且一般講述兒童失蹤的電影，可能會從超自然的角度同外星人或妖魔鬼怪來交代，這個劇本內容卻是從現實生活入手，令人感到前所未見的真實恐懼！加上機上有一大班陌生人困在一起，更能營造出張力及懸疑感覺！這種獨有的場景令我可以拍出更轉拆更豐富的劇情，電影就可以更有戲味！」。於是白賴仁基沙立即決定開拍電影，但他卻將劇本重新改造：「劇本原本是講述一名父親尋找他的兒子，我覺得如果改為一名寡婦尋找女兒，那種無助的感覺就更加明顯，觀眾亦更易投入劇情之中，於是就產生了「貝嘉莉」這個角色！而要演繹這種堅毅強悍的單親母親一角，我認為非茱迪科士打莫屬！」茱迪科士打看過劇本後與白賴仁基沙一拍即合，二人遂聯手炮製出《高凶三萬尺》這齣驚慄鉅獻！不惜工本創造逼真機艙拍攝環境未來E-474珍寶客機率先現身大銀幕電影中的重要場景是一架E-474珍寶客機，這架全球最巨型、最先進的高科技航機在現實生活中尚未出現，因為仍在試驗階段，但電影中的飛機構造卻是依據這架即將面世的空中巴士所設計而成！這架飛機備有雙層客艙、9個儲物間、7個餐飲間，另外休息室及貨艙，載客量超過700人！為了拍出逼真場面，工作人員在位於洛杉磯的逾27,000平方呎的片場之中，花了超過16星期建造了長逾300呎的「虛擬」飛機！監製白賴仁基沙表示，他們選擇「興建」一架飛機，而非租用真正的飛機拍攝，是因為這樣做更能隨方便他們加入電影所需的元素：「除了可以更易安放特別的攝影器材之外，我們更能隨心所欲地設計不同場景來加強戲劇元素，例如矮天花可以加強壓逼感及恐慌感，而光猛潔白的餐飲室則更能彰顯出那份毛骨悚然的氣氛！」所以他認為，即使要花更多人力物力，興建飛機亦是物有所值！

新開始

好慘 23 OCt d 魚死晒 (2) d 波輸晒 (10) d 電腦全部 (4) 用唔到 Witness ( 一個 simulation 軟件，用來做功課) 要交貨的 video 有 d 唔掂今日有新開始買左 2 條接吻魚、2條彩尾、2條白老鼠 and 1 棵水草 (個老細誇口話依棵水草有水就唔會死) 唔買波發現原來開返個 serial port (com port) 就開到 witness, now 不用回 CF401 個 LAB 就做到，正 encode 過 d video

看完三國演義

今日終於看完 120 回的三國演義一本由小學已想完成的小說，竟然而家才可完成它，幸好我現在還是學生~~ 本來可早個多月完成，但三國鼎立後，劇情已看過，加上孔明死後吸引力大減，而我又被尋秦記小說吸引，令三國演義停滯不前~ 看完三國演義再看尋秦記，不覺得當中殘酷，因為在三國演義中人命更如草芥三國中，好多人講出忠言又或戰敗又或者密謀暗殺，事敗皆全家斬於市。當中孫晧同曹操也許是當中的表表姐。曹操對漢帝的手段皆報於子孫…最後投降的劉禪、孫晧同曹奐皆善終是否有點諷刺呢~ 黃巾之亂到三國鼎立有很多英雄豪傑，到三國未期反而平靜，不否因為時勢造英雄呢~ 看尋秦記勾起返我對戰國史的興趣，並曾經就項少龍由魏逃出經韓再經魏返趙國翻查中史書當中的各國的陰謀令你不可不信呢，緊張、精彩不過呢~ 尋秦記引人入勝的又豈止戰國史呢~~

又過了幾日

已幾日無寫日記了依幾日： ISESM Case Study 1 Pre 左 sent，so far so good la，比預期差不 d，下次一定要用自己電腦，免得按錯制，ok la，都是中上的 present 學車學到中段，應學的都學了，個師傅好煩，成日問好唔好，但又不可應佢，又講粗口，又厄鐘，但都算有料的人做完份 FYP Log book，交左給 Steve，佢好用心改呢與故友重逄，好開心呢

9 月尾

9 月尾了人地說 Year3 好忙，而家睇落忙是忙，但又無之前感覺到咁誇張，我往日最忙是差不多，唯一不同的是 9 月已咁忙，Sem 尾唔知點死！唔想接補習，奈何家長想我補，講到明，你個日就去唔得就不用 la，打過電話就 ok，講到咁，點推！ 10 月 1 日一個唔想慶祝的日子，1949 年 10 月 1 日應該是中國國難，一個惡政從主在中國領土建立！

廣州動物園當 d 動物死 ga

補記返中秋活動星期六日無出去玩 ar，星期六開會 and 同人整電腦，星期日做埋 d 野 and 休息，就是準備好星期一中秋翌日的廣州之旅今次是她提出要去的早上去動物園，d 動物好慘 ar，都唔知 d 人點諗 ga，好虐待 d 動物 ar，得個籠困住佢地，乜都無，搞到獅子好 hai，d 毛又無晒，好似病左 tim，我覺得佢連一隻狗都打唔低。隻熊貓仲慘，香港的安安佳佳好幸福，好環境，有冷氣，光線好，有好野食，但廣州的乜都無，黑媽媽，得風扇，隻熊貓爬左在地，成隻爬地熊，動也不動，好可憐其餘的豹同老虎都唔好得去邊，點解可以咁架！下午同 Jeany 一齊食 Lunch，佢去美國講到我返廣州咁易，ai~ 之後四處飲飲食食，又買野咁，我買左本日文詞典，商務的，有成 15,000 字，都是 $16 ，正買衫等，一定要心定，心中有數，講過靘價，玩心理呢~~

AE86

第一天看首映，今日頭文字 D 上映，就去看了。 d 位不太正，無計 la 咁多人看！好事來的！咁坐 I 行都不是好前啫。想買 86，但炒貴晒，唔抵！我對唔抵的定義是：明明可以以一個低價買，但你卻要付一個較高的價錢。e.g. 你明明可以買學生飛，但無 show 出來要付正價就是唔抵！

深刻

今日有好多深刻的事佢話：「有D野放棄左過去左就算啦有D野係唔可以返轉頭些」我學生隻狗竟然在我隻腳上磨野我較錯鬧鐘，差點遲到 tim。返9點3竟然較左 8 點50。好彩 8 點半識醒。昨晚諗我日記無人睇，咁我可連載一 d 私人 d 的故事，記錄下來。