Category Archives: 生活動向

今日 Office 終於裝完修，裝好埋家俬，連亞姐，同亞姐的亞姐都大駕光臨睇完工，兼同老細慶祝生日 一個單位有 2 個 Offices，我地 Office 出面本來是另一Team 的地頭，佢地尾個 2 個位搬走，成了地新 Office 的一部份，而我同老細就坐「出面」這片新疆土 今日在街上遇到一個邊行邊哭的失戀女仔，好慘咁，但希望佢哭過後又過一關，人生就是這樣，有很多關等你闖

多日來收不少朋友問候，謝謝你地，今次只是小事，星期一已能如常返工啦，到今日都好返晒 星期六去左睇哈利波特，同 Erica 去，公司有優惠票，又不用去排隊 😉 都不錯，但略嫌說理太多，且可惜因電影時間限制，好多情節太簡單，無計啦，自第三集起，本本都十分厚 一如以往，睇戲之後就食飯、行街，大半年都無買過出街衫，今次買到啦，仲是我鐘意的 Liverpool T-Shirt ，之後回到家到 10 點，無渣車出去。難度生活如常？！

七一當晚，夜晚出去，好肚餓，剛在大埔中心，貪方便的我順埋成章去昌運的廿四小時 M 記食宵夜 當時的 M 記不乏食客，連 McCafee 都 24 小時 在買野食的時候，在我眼前出現了一個很熟悉的人，我立即翻查大腦的 database: SELECT * FROM people_information WHERE 樣貌 LIKE… 未等到 resultset 的回傳我已記起他是誰了！他就是亞輝！ 我中五暑假同幾個 friend 在太和 M 記做，當時我收 closing，而亞輝就是當其時認識的，算是拍住上收 closing… 而家他在大中的 M 記做經埋，5年無見，他樣貌沒變太多，而我也沒有改變多少，大家一眼就認得出對方，有微笑 say hi，唔知講咩好，買完野我就 say bye… 返回車上食暑條，唔知點解特別好味…

第一次拎年假，當然要外出玩玩，就去想去多年的番禺長隆啦 星期六出發，第一站廣州，和諧號列車，好快，達 200km/h，不用一小時就到東站 吃、逛、hea 是在廣州的主題，食越南野、遊天河、逛書城、hea 在哈根達斯 (Häagen-Dazs)、食埋一品粥就一天了 星期日乘地鐵，不用轉車就到長隆 盡玩特玩，坐了十環過山車 2 次、高速摩托車、睇特技、睇 4D 戲院、睇馬戲、玩 mini-機動遊戲，都不錯，可惜天公不太做美，不時下雨、濕淋淋不太舒服 機動遊戲，沒暈沒驚，哈哈哪高速摩托車，我覺得只是像我駕駛架 CBR150R 在吐露港一樣~~ 好玩，但都好累，星期一訓到成11點交房，食中森明菜後，回港

星期三，3月14日已周身倦痛，四肢酸痛，身體極疲乏 星期四，早起頭暈暈，有想過唔返工的念頭，但最終都返左；可惜實在頂不順，中午早退；當日有駕車返工，幸好回來時還可撐得住 星期四晚上入黑時份最高燒、身體出汗、全濕，多次沖涼及更衣，必理痛已沒有用，轉拍兩粒樂信，之後情況好轉，9 點幾幾床 check email 和 send 病假紙及請明天假 星期五早上，情況良好，唯午後及入黑情況又轉差，再發燒，再食一粒樂信，當天轉了六件衫、沖了四次涼，晚上入訓時情況大致 OK，明天應可返工 星期六早上，返我最唔鐘意的半天工作，成丌渾渾登登，幸好只是在介紹新打咭系統的座談會幫手，不用 present，算時好過 中午和 Roger 食飯，想回來，好似無單獨同佢食過飯 下午睇多羅羅，不錯，到此已無大礙，多謝 Erica 陪我睇﹝我重金請佢，佢先願睇﹞

星期六晚同返 d 莊員出去食飯，了解返各人現況，由話去沙田到話改為九龍城，到最終都是選址大家都咁方便的地方 – 旺角 間酒樓唔錯，唔算太貴，在染布房街，一去到就有個師兄同我講前面有位啱你泊，正！一去到就泊到架電單車，方便！ 飯後就食糖水，清清地要椰汁西米露算數~ 回大埔後再同 d friend 出去，好鐘意晚上出去吹水，好自在，一車 5 人去邊都得，錯有錯著，去左蝴蝶灣，看海傾計不錯，臨天光 4 點幾去返元朗飲早茶，回家時已成 7 點，結果訓到晚上 7 點才起床，咁就過左星期日，哈！ p.s. 第一次在油站買人食的野~ Cookie 唔洗咁擔心啦，你的 career 唔會咁易完的 這篇文章首次在 Xanga 同步發放

昨天的生日就在平淡中渡過，晚上和家人食飯，感覺好好 收到不少朋友的祝福，多謝你們，我想你們都是發自內心的，比以前 icq 提醒來得更有味道~ 今年收到的生日禮物就是由中銀信用卡送出的 1,000 分積分， haha！另外仲有好田園風味的小番茄和辣椒仔，多謝晒！

新年好舒服，回鄉也好，在家也好，都好好訓，把以往積來的眼睏一一清除，好舒服，身體都好 d~ 我年初四請了假就是想再休息多點，哈哈，但我另一份工星期就要開始了，幸好暫時不錯

昨晚同 潘、基、甘、立 搞左個車局，得知好多事 ~ 令我對我的朋友仔了解更多 第一次在大尾督霸上聽他們彈結他，個 feel 好正；第一次在 rainbow 食熱的西米露，好好味！ 但對另一班遲約的 fd 失約，對不起

終於攻破左電單車 ( オートバイ ) 考試了 One take pass~ :b 敬德街斜路 8 字比我想像中容易，也許是我平時刻苦訓練，加上深厚單車底的成果

今日做左好耐無做但又必需的事行街 ─ shopping 買返 d 衫同買左對新鞋 lu~ 今日先知 izzue、5 cm 、I.T. 是同一老細，唔怪得佢地 3 間店成日都在一齊 la 睇左《黃金甲》，不錯 ar，d 人仲批評賣弄性感毫無內容，絕對不是 lor，其實它好有深度，內容緊湊，排場氣氛一流，打仗時人多落足料，正！

玩過 Nikon D50 and trade-out 後，一直都無影過乜相，終於忍唔住手，買左 Panasonic FZ50 好貴，比得上 DSLR，買行貨，要 5K 半 但支鏡靘﹝鏡頭由10組14片鏡片組成，包括3片非球面鏡片及1片可有效減低遠攝時經常出現的色散現象的ED（超低色散）鏡片﹞，都值 ge， 仲有 12X 光學變焦﹝相等於35毫米菲林相機的35毫米至420毫米變焦功能﹞，手擰變焦，十足 DSLR，保養又易過 DSLR，正~ Key Points: 1000萬有效像素、12倍光學變焦、F2.8光圈值、LEICA鏡頭、Venus Engine III LSI影像處理器、「至醒」ISO 能偵測物件的移動，自動調校至合適的ISO感光設定及快門速度

*** 以下內容全屬真人真事，相不相由你 *** 星期日晚，榮哥話未坐過我手車，想坐下，約我出來，佢住和合石附近，本來我行舊粉嶺公路，而家好似叫大窩西支路，就可以好順利去到，咁巧我車埋 GAP 龍去粉嶺火車站，好衰唔衰個路牌左我直去，上左和合石山，咁在 T 路口，打電話問路之際，左邊路旁一把傘下見到有個亞婆燒梗衣紙，當時我無埋佢，佢有佢燒，我有我 U-Turn，之後會和到個 fd 佢就想我車佢周圍行，結果上返個條無人無車的路，在同一位置找唔返個亞婆，我可以講，個度無人無車無的士，當時個亞婆在路的中段，就算她燒完走人，沿路都一定見得返佢，原因是點我無再考究了 後話：當我在路口時﹝又是 T 路口﹞差點只顧諗返件事，而無剎車，好彩榮哥在身旁驚慌大叫：喂！前面路口呀！好彩，部車逼力好，無事~最終佢拎返佢部日產「天線」，去上水食糖水和打電話打約小學同學打邊爐

出左來做野，更珍惜放假出去玩的機會，放假不用顧功課，特別盡興的 中秋當晚同家人賞月後，再同殷生(榮哥)和殷(小)姐上飛蛾山玩蠟燭、影鬼相、吹水、看日出 在山上有座龐然大物的天文台，d 人點返工 ge 呢 高處不勝寒，在飛蛾山更能體試，好冷，下次一定要帶多衫 可惜天公不做美，只見彩霞，不見蛋黃

國慶假，終於完成左份 proposal 開頭好 hai 咁，好累， 唔想動，差 d 就白白錯過咁好的時機寫 proposal，平時放工實在太累無心機寫，好彩星期日 Mandy 話佢當日會完成，加上 Roger、Charm Man 無約我出街，令我拎起心肝做好去。今日公司無飯食，約 Charm Man 出來先知佢原來病左，望佢早日康復 la 好享受香港的生活，放假個幾晚好開心，特別是落 pub 看波吹水，之後去網吧連線打 CS 同 Battlefield 2

過去的周末日應該是很充實的，卻因一件事搞禍左 星期六中午12點同 Jeany 渣出去深水埗買電腦零件，下午1點半去觀塘學車，5點半學完又飛返大埔，沖涼換衫後再飛去馬鞍山 pick up Jack 再去銅鑼灣去 graduation dinner，第一次渣過海 :b 野食就麻麻地，唔值 600 lor~ 但都幾開心，d 遊戲 ok ge，又可 meet 返 d 同學，抽獎仲搞笑，勁旺，成圍得 Jack 同 Hei 抽不到 :party: 怒食一杯孖蒸，但都無乜野，也許加左水吧，無影響渣車，回來時車埋 Steve，順道同 Vincci、Sonie 上左 Steve 家參觀呢~ 😉 充實的周末換來的是可怕的周日，一訓竟然訓到下午 4 點，miss 左 2nd 堂電單車課，要補 500 完改期，連飛車出來的路、油錢，咁就無左六百 😡 沒有學車的星期日變成遊閒的一天

昨晚同 Roger、肥甘等去了西貢，我小學同學用野火 Skyline 車埋 CK 同他弟入去，一行 8 人去食糖水 好明顯 Skyline 好力得多 la，在他讓之下力追，好好玩，都不貴，由大埔上粉嶺去西貢再回程都只是 98 元油，唔通 Shell 真的好燒 d？ 終於受唔住電單車的吸引力，報了名，就算日後發覺危險咪當學多樣野 lor~ 期待 drive motorcycle to MK

一直都想去西貢 BBQ 同去海灘游水，現在有車就方便得多了，由於天氣問題一直都唔成事，終於在上一個星期日 Drive 車同屋企人去 雖有點阻滯，但好開心呢，可享天倫之樂，好耐無 la 近期都幾忙，無乜私人時間做其他事，日記也寫少左，以前覺得返工會 free d 因為放工不用埋公司事，返學反而要做功課，但現在唔係咁諗了，工作估了人生太多時間了，也許，日後 9 月返 5 日工會好 d la，但都唔知呢，MPhil……